Joriy yilning 22-may kuni Toshkent to‘qimachilik va yengil sanoat institutda institut psixologi R.Muhammedjanova hamda institut hamshirasi Mamura Umarovalar tomonidan talaba-yoshlar ishtirokida “Biz – sog‘lom turmush tarzi tarafdorimiz!” shiori ostida targ‘ibot tadbiri tashkil etildi.

Mazkur tadbirda institut hamshirasi Mamura Umarova tomonidan Talaba-yoshlar o‘rtasida sog‘lom turmush tarzini targ‘ib qilish hamda “OIV/OITS kasalligining yuqish yoʻllari, patogenezi, epidemiologiyasi, kasallikning klinik belgilari va profilaktikasi” va OIV, jinsiy yo‘l bilan yuqadigan infeksiyalarning oldini olish” yuzasidan foydali ma’lumotlar berib o‘tildi.

Tadbir davomida, talaba-yoshlar mavzu yuzasidan o‘zlarini qiziqtirgan savollarga atroflicha javoblar olishdi.