Yevropa Ittifoqining “Erasmus+” dasturi doirasida “Tex4future — toʻqimachilik sohasi Oʻzbekiston va Qozogʻiston kelajagi uchun” loyihasi doirasida Toshkent toʻqimachilik va yengil sanoat instituti prof-oʼqituvchilari 2025 yil 05 may kuni Yassi Gheorghe Asachi nomidagi Texnika Universitetida navbatdagi II treningda ishtirok etishmoqda.

Treningni birinchi kunida mazkur institutning “Sanoat dizayni va biznes menejmenti” fakulteti professori Luminita Ciobanu “Ilgʼor toʼqimachilik kompozit materiallar” mavzusi boʼyicha oʼquv mashgʼulotlarini olib bormoqda. Mashgʼulotda ilgʼor toʼqimachilik kompozitlarning taʼrifi va xususiyatlari, qoʼllaniladigan armirlovchi materiallar (karbon, aramid, shisha tolalar), matritsa turlari, ishlab chiqarish texnologiyalari, ilgʼor sohalar (aviasanoat, avtomobilsozlik, sport, qurilish) dagi qoʼllanishi, afzalliklari va muammolari, tadqiqot yoʼnalishlari va istiqbollari keng qamrovli yoritib berildi.