AUTEX Tashkilotining navbatdagi yig‘ilishi bo‘lib o‘tmoqda

11.06.2025

152

AUTEX tashkilotining navbatdagi yig‘ilishi bo‘lib o‘tmoqda

Hozirda Yevropadagi nufuzli ilmiy tashkilotlardan biri — AUTEX (Association of Universities for Textiles) tashkilotining navbatdagi yillik yig‘ilishi bo‘lib o‘tmoqda. Ushbu xalqaro miqyosdagi muhim tadbirda Toshkent to‘qimachilik va yengil sanoat instituti delegatsiyasi — prorektor Baxtiyor Nasimov va xalqaro aloqalar bo‘limi mutaxassisi Nurmuhammad Xudayberdiyev faol ishtirok etmoqda.

Yig‘ilish davomida AUTEX tashkilotining o‘tgan yilgi faoliyati, amalga oshirilgan loyihalar, erishilgan yutuqlar hamda istiqboldagi strategik rejalar atroflicha muhokama qilinmoqda. A’zo oliygohlar o‘rtasida tajriba almashinuvi va innovatsion yondashuvlar bo‘yicha fikr almashilmoqda.

Tadbir doirasida institutimiz uchun muhim bo‘lgan masala — WE-TEAM Erasmus+ magistratura dasturiga Toshkent To‘qimachilik va Yengil Sanoat Institutini assotsiativ hamkor sifatida jalb etish imkoniyatlari ham muhokama qilinmoqda. Bu institutimizning xalqaro ta’lim maydonidagi mavqeini mustahkamlashda muhim qadam bo‘lib xizmat qiladi.

Mazkur jarayon nafaqat xalqaro hamkorlikni kengaytirish, balki ilmiy-tadqiqot aloqalarini chuqurlashtirish, talabalar va professor-o‘qituvchilar o‘rtasida akademik almashinuvni rivojlantirishga xizmat qiladi.

Toshkent to‘qimachilik va yengil sanoat instituti o‘zining global miqyosdagi ilmiy-innovatsion salohiyatini namoyon etishda davom etmoqda.

AUTEX Tashkilotining navbatdagi yig‘ilishi bo‘lib o‘tmoqda

Media

Saytni yangi dizayni yoqdimi?

“Kibersport” sport musobaqalari o‘tkazildi

Tyutorlik lavozimi bo‘yicha suhbat jarayoni o‘tkazildi

O‘qishni ko‘chirish bo‘yicha kasbiy (ijodiy) imtihonlar Toshkent to‘qimachilik va yengil sanoat institutida o‘tkazildi

Bugun Ural davlat iqtisodiyot universiteti bilan hamkorlikda yo‘lga qo‘yilgan qo‘shma ta’lim dasturining birinchi bosqich imtihoni muvaffaqiyatli o‘tkazildi.