Ilmiy-tadqiqotlar, innovatsiyalar va ilmiy-pedagogik kadrlar tayyorlash bo'limi

Avazov Komil Raxmatovich

Bo'lim boshlig'i

Tashkil topgan yili:

Manzil: Toshkent shahri Shohjahon ko‘chasi 5-uy

E-pochta: k.avazov@ttysi.uz

Telefon: 55 512 70 00 (1035)

Murojaat yuborish

O’zi haqida ma’lumot

Avazov Komil Raxmatovich 1981-yil 29-iyulda Surxondaryo viloyati Sho‘rchi tumanida ishchi oilasida tug‘ilgan. Millati o‘zbek. Ma’lumoti oliy. K.R.Avazov 1998-yilda Toshkent to‘qimachilik va yengil sanoat instituti Mexanika-texnologiya fakultetiga o‘qishga kirib, a’lo baholari va namunali xulqi uchun bakalavriaturaning 4-bosqichida Beruniy Davlat stipendianti bo‘lgan. 2004-yil institutning “Ipak ishlab chiqarish va qayta ishlash texnologiyasi” mutaxassisligi bo‘yicha magistraturani imtiyozli diplomga tamomlagan. Toshkent to‘qimachilik va yengil sanoat instituti “Ipak texnologiyasi” kafedrasining 2005-2008-yillarda aspiranti bo‘lib, dotsent Qodirov Shuxrat Abrarovich rahbarligida 2011-yilda “Pilla g‘umbagini jonsizlantirish texnologiyasini takomillashtirish” mavzusidagi ilmiy ishini himoya qilib, texnika fanlari nomzodi ilmiy darajasini, 2019-yilda “To‘qimachilik materiallari texnologiyasi va xom ashyoga dastlabki ishlov berish texnologiyasi” ixtisosligi bo‘yicha dotsent ilmiy unvonini olgan. Komil Raxmatovich “Ipak texnologiyasi” kafedrasida mustaqil izlanuvchi sifatida texnika fanlari doktori, professor Xalimaxon Alimova ilmiy rahbarligida “Qobiqning texnologik xususiyatlarini saqlashda pillalarga infraqizil nur bilan dastlabki ishlov berish” mavzusidagi doktorlik (DSc) dissertatsiya ishini 2021-yilda muvaffaqiyatli himoya qildi. 2013-2014 yillarda “Innovatsiya va integratsiya ilmiy tadqiqotlar markazi” direktor o‘rinbosari, 2014-2016 yillarda “Ipak texnologiyasi” kafedrasi Katta ilmiy xodim-izlanuvchisi, 2016-2019 yillarda “To‘qimachilik sanoati texnologiyasi” fakulteti dekani, 2019-2021 yillarda “Innovatsiya va integratsiya ilmiy tadqiqotlar markazi” direktori lavozimlarida ishlagan. 2021-yildan hozirga qadar Ilmiy tadqiqotlar, innovatsiyalar va ilmiy pedagogik kadrlarni tayyorlash bo‘limi boshlig‘i lavozimida faoliyat ko‘rsatib kelmoqda.

Erishgan yutuqlari

K.R.Avazov ipakchilik sanoati texnologiyasi bo‘yicha 100 dan ortiq ilmiy nashrlar, 6 ta (Calculation of thermal mode of shell of silk cocoons treated by thermal radiation drying-2009, Research of advanced technology of the preprocessing of cocoons of the silkworm-2017, Studying the effect of drying technology on silk cocoon shell and chrysalis features-2021, Research of quality silk cocoon making technology-2021, Influence of primary processing on the properties of cocoons grown in the first and second season-2022, Non-invasive analytical methods applied in the study of cultural heritage artefacts-2023) nomli maqolalari Skopus bazasidagi jurnallarda, 10 ga yaqin o‘quv uslubiy qo‘llanmalar, “Pilla quritish texnologiyasi” nomli darslik (2024), O‘zbekiston Respublikasi Adliya vazirligi huzuridagi Intellektual mulk markazining 9 ta patenti hammuallifi. Jumladan FAP 00573-Tirik pilla g‘umbagini jonsizlantirish qurilmasi (2010), IAP 04918-Pilla g‘umbagini jonsizlantirish va quritish usuli (2014), FAP 01076-Nuqsonli pillalarni chuvish dastgohi (2016), IAP 05838-Tibbiyot binti (2019), FAP 01534-Tirik pilla g‘umbagini jonsizlantirish qurilmasi (2020), FAP 02193-Nuqsonli pillalarni chuvish dastgohi (2023), IAP 07079-Iplarni olish usuli (2022), IAP 06368-Pillani jonsizlantirish va quritish uskunasi (2020), FAP 02096-Pillalarni chuvish uchun dastgoh (2012). K.R.Avazov rahbarligida 1 nafar tadqiqotchi (Z.Bekmuratova, 2022) texnika fanlari bo‘yicha falsafa doktori (PhD) ilmiy darajasini olgan. O‘zbekiston Respublikasi oliy va o‘rta maxsus ta’lim vazirligi «Yoshlarning innovatsion g‘oyalari» Respublika ko‘rik tanlovida «Pillalarga dastlabki ishlov berishning takomillashgan texnologiyasi» mavzudagi loyihasi bilan ishtirok etib, 1-darajali diplom bilan taqdirlangan (2015). O‘zbekiston Respublikasi Oliy va o‘rta maxsus ta’lim vazirligining “Ko‘p yillik samarali va halol mehnati hamda o‘z xizmat vazifasiga bo‘lgan sadoqati uchun” faxriy yorlig‘i bilan taqdirlangan (2015). K.R.Avazov IOT-2015-2-8 “Pillaga dastlabki ishlov berishning takomillashtirilgan, resurstejamkor texnologiyasini ishlab chiqarishga tatbiq etish” innovatsion davlat grantiga rahbarlik qilgan va OT-F4-14-Pillani chuvishga tayyorlash va xom ipak ishlab chiqarish texnologik jarayonlarining nazariy asoslarini yaratish (2018-2020 y.) va 3 ta davlat grantlarida katta ilmiy xodim sifatida ilmiy tadqiqot ishlarini olib borgan. Kafedra professori Avazov Komil Raxmatovich institutdagi faoliyati davomida yetakchi xorijiy va mahalliy nufuzli oliy ta’lim muassasalari va ilmiy markazlarida o‘z malakasini oshirgan: Xorijiy, The South India Textile Research Association, The Textile Mill Management (ITEC). (Hindiston-), -Germaniyaning Bremerxafen universiteti «Hochschule Bremerhaven», Intensive Training Course for Language Teachers (Germaniya). -XXR Shanxay shahridagi Donxua universiteti, Shanghai International Textile Graduate Summer School (Xitoy). Permskiy natsionalniy issledovatelskiy politexnicheskiy universitet, Menedjment i ekanomika obrazovatelnogo uchrejdeniya (Rossiya). Agentstvo po transferu texnologiy i PROON v Uzbekistane, Proyekt Programmi Razvitiya OON v Uzbekistane i Instituta Prognozirovaniya i Makroekonomicheskix Issledovaniy «Podderjka v sfere innovatsionnoy politiki i transfera texnologiy», uchebno-prakticheskogo seminara «Osnovi innovatsionnoy deyatelnosti, transfera i kommersializatsii texnologiy» (Toshkent). Mahalliy. О‘zbekiston Respublikаsi Prezidentining «Iste’dod» jаmg‘аrmаsi (2006), Toshkent Dаvlаt texnikа universiteti qoshidаgi Oliy injinerlik pedаgogikа instituti (2009), Toshkent tо‘qimаchilik vа yengil sаnoаt instituti huzuridаgi PKQT vа MO tаrmoq mаrkаzi (2010, 2012, 2015), О‘zbekiston Respublikаsi Intellektuаl mulk аgentligi «IP-CENTER» о‘quv mаrkаzi (2015), О‘zbekiston Respublikаsi Oliy vа о‘rtа mаxsus tа’lim vаzirligi huzuridаgi Oliy tа’lim tizimi pedаgog vа rаhbаr kаdrlаrini qаytа tаyyorlаsh vа ulаrning mаlаkаsini oshirishni tаshkil etish Bosh ilmiy-metodik mаrkаzi (2016, 2017, 2018) Аlisher Nаvoiy nomidаgi Toshkent dаvlаt о‘zbek tili vа аdаbiyoti universiteti huzuridаgi dаvlаt tilidа ish yuritish аsoslаrini о‘qitish vа mаlаkа oshirish mаrkаzi (2021), Oliy tа’lim muаssаsаlаri, аkаdemik litsey rаhbаr vа pedаgog kаdrlаrini qаytа tаyyorlаsh vа mаlаkаsini oshirish kurslаridа о‘quv mаshg‘ulotlаrini olib borishgа jаlb etilgаn professor-о‘qituvchilаr uchun qisqа muddаtli onlаyn trenerlаr tаyyorlаsh kursi (2021, 2023), Adliya vazirligi qoshidagi Yuristlar malakasini oshirish markazi (2023).

Ilmiy tadqiqotlar, innovatsiyalar va ilmiy pedagogik kadrlar tayyorlash bo‘limi

Institutda “Oʻzbekiston Respublikasi oliy taʼlim tizimini 2030-yilgacha rivojlantirish konsepsiyasi”, “Ilmiy va innovatsion faoliyatni rivojlantirish boʻyicha davlat boshqaruvi tizimini takomillashtirish toʻgʻrisida”, Davlat oliy taʼlim muassasalariga moliyaviy, akademik va tashkiliy-boshqaruv mustaqilligini taʼminlash boʻyicha hamda boshqa qator Farmon va qarorlarda belgilangan vazifalar amalga oshirish maqsadida ilmiy va innovatsion faoliyatni rivojlantirish boʻyicha maqsadli dastur qabul qiliib 2030-yilgacha prognoz koʻrsatkichlari belgilangan.

Zamonaviy ilm-fan va texnologiyalarning eng muhim muammolarini hal qilish, olib borilayotgan ilmiy-tadqiqotlar natijalarini iqtisodiyotning tegishli sohalarida tatbiq qilinishini ta’minlash, fan, ta’lim va ishlab chiqarish integratsiyasini yanada mustahkamlash, fan, ta’lim va ishlab chiqarish integratsiyasini rivojlantirish, kadrlar tayyorlash tizimida ilm-fanning uzviyligini qaror toptirish institut professor-o‘qituvchilari oldida turgan muhim vazifadir. Institut olimlari tomonidan paxta, to’qimachilik, yengil, matbaa va qog’oz sanoatlarining texnika va texnologiyalarini takomillashtirishga, tabiiy va boshqa tola, iplar aralashmasidan raqobatbardosh mahsulotlar assortimentlarini yaratish hamda amaliyotga tatbiq etish bo‘yicha yirik ilmiy mavzularda tadqiqotlar va izlanishlar olib borilmoqda, pirovardida ularning natijalari anjumanlar, seminarlar va ko’rgazmalarda namoyish etilmoqda. 2023-2025 yillar mobaynida institutimiz professor - o’qituvchilari tomonidan 117 ta monografiya, 5200 dan ortiq ilmiy maqola va tezislar chop etildi. Shulardan 2000 tadan ortig’i xorijdagi nufuzli jurnal va ilmiy to’plamlarida nashr etildi. Professor-o’qituvchilari tomonidan “Scopus” ma’lumotlar bazasidagi jurnallarda jami 621 ta bo’lib, shundan so’ngi uch yilda 344 ta ilmiy maqolalar chop etildi. Shuningdek ilmiy ixtirolar uchun O‘zbekiston Respublikasi Adliya vazirligi huzuridagi Intellektual mulk markaziga 200 dan ortiq talabnomalar topshirilib 165 ta patent olindi: shulardan 55 tasi ixtiro, 65 tasi foydali model, 45 tasi sanoat namunasi va 50 ta EHM dasturi bilan himoyalangan. Hamda xorijga 15 ta talabnoma topshirilib 6 ta patent olindi. Natijada 2025-yil 21-noyabr kuni Adliya vazirligida bo‘lib o‘tgan Texnologiyalar va innovatsiyalarni qo‘llab-quvvatlash markazlarining IV-Milliy anjumanida vazirlik tomonidan Toshkent to‘qimachilik va yengil sanoat instituti respublika miqyosida eng faol “Texnologiyalar va innovatsiyalarni qo‘llab-quvvatlash markazi” deb topildi va taqdirlandi.

Ilmiy salohiyat

Hozirgi kunda institutda 16 ta kafedra mavjud bo‘lib, ularda 385 nafar professor-o‘qituvchilar, jumladan, 44 nafar fan doktorlari, 189 nafar esa fan nomzodlari faoliyat yuritmoqdalar. Ilmiy salohiyat 62%. 2026-yilda institutda jami - 154 nafar, jumladan, 88 nafar doktorant (DSc) va tayanch doktorantlar (PhD), 7 nafar stajyor tadqiqotchilar, 69 nafar mustqil izlanuvchilar faoliyat yuritishmoqda. So‘nggi 3 yilda (2023-2025yy) jami 99 nafar (14 nafar DSc va 85 nafar PhD) tadqiqotchilar dissertatsiyalarini muvofiqiyatli himoya qilishdi.

Ustuvor yo‘nalishlar

Respublikamizda ilmiy-texnikaviy salohiyatni oshirish uchun xizmat qilayotgan institutimiz olimlari iqtisodiyotning quyidagi ustuvor yo‘nalishlari bo‘yicha ilmiy-tadqiqot ishlari olib bormoqdalar:

mahalliy xom-ashyo resurslaridan samarali foydalanishni ta’minlovchi import o‘rnini bosuvchi va eksportbop to‘qimachilik mahsulotlari (yigirilgan ip, to‘qima, trikotaj, noto‘qima matolar, gazlamalar) ning ilmiy hajmdor texnologiyalarini yaratish;
sof, aralash va ikkilamchi resurslar hamda boshqa tolali xom ashyolarni qayta ishlashning yuqori samarali usullarini ishlab chiqish;
yengil sanoat uchun tannarxni kamaytirishga yo’naltirilgan energiya va resurs tejamkor, ekologik xavfsiz chiqindisiz texnologiyalarini yaratish;
to’qimachilik matolari va yengil sanoat mahsulotlarida milliylik va zamonaviylikka yo’naltirilgan dizayn loyihalarini takomillashtirish va rivojlantirish;
paxtani dastlabki ishlash, to‘qimachilik, yengil va matbaa sohalaridagi yangi texnologiyalarni amalga oshirish uchun mashina jihozlarini yaratish va takomillashtirish;
paxtani tozalash, to‘qimachilik, yengil va matbaa sohalaridagi avtomatlashtirish va boshqarish tizimlarini mexatronika asoslarini qo‘llab shakllantirish;
texnogen va tabiiy to‘qimachilik xom ashyolaridan turli funktsional maqsadlarda ishlatiladigan nanotuzilmali va kompozit material hamda mahsulotlarni olish;
tabiiy, kimyoviy, aralash tolali matolarni pardozlash ishlatiladigan tabiiy va sintetik tabiatli bo‘yovchi moddalar olish, to‘qimachilik materiallarini kimyoviy pardozlashning samarali texnologiyalarini yaratish;
yangi tarkib va tuzilishidgi resurs tejamkor to’qimachilik va matbaa mahsulotlari, poyabzal va charm-attorlik buyumlarining assortimentlarini kengaytiradigan texnologiyalarni yaratish;
paxta tozalash, to’qimachilik, yengil va matbaa sohalarining texnologiyalari va tayyor mahsulotlari sifatini nazorat qilish;
to’qimachilik sanoatida fan, ta’lim va ishlab chiqarish integratsiyasi jarayonida innovatsion korporativ hamkorlik faoliyatini rivojlantirishning samarali mexanizmlarini ishlab chiqish.

Ilmiy loyihalar

Institutda olib borilayotgan ilmiy loyihalar to‘qimachilik, yengil sanoat va matbaa ishlab chiqarish korxonalarida mavjud muammolarni hal qilish bilan birga mamlakatimiz ilm-fanning ustuvor yo‘nalishlariga mos bo‘lgan ilmiy-tadqiqot ishlarini bajarishga qaratilgan. 2023-2025 yillarda davlat ilmiy-texnik dasturlar doirasida institutda hajmi 25 mlrd. so‘mlik 6 ta Xalqaro grant, 1 ta fundamental, 2 ta amaliy, va 1 ta innovatsion loyihalar hamda 107 ta xо‘jalik shartnomalari bо‘yicha ilmiy-tadqiqot ishlari bajarildi. Ilmiy ishlanmalarni tijoratlashtirish boʻyicha tizimli ishlar olib borilmoqda. Bugungi kunda institut olimlari tomonidan 71 ta ishlanma tayyorlangan boʻlib, shulardan 21 tasi tijoratlashtirilgan, 10 tasi soha korxonalariga tavsiya etilgan va ular oʻrganish jarayonida. 40 tasi tijoratlashtirishga tayyorlanmoqda.