Institutning Registrator ofisi oliy taʼlim jarayonlarini boshqarish HEMIS axborot tizimida talabalarni shakllantirish, oʻquv jarayoni va talabalarga xizmat koʻrsatish, akademik faoliyatni tashkil etish hamda taʼlim jarayonining ochiqligi va shaffofligini taʼminlash, tizimda byurokratik toʻsiqlar yuzaga kelishining oldini olish va tahliliy maʼlumotlarni shakllantirish, shuningdek, qaror qabul qilish jarayonini optimallashtirish kabi vazifalarni amalga oshiruvchi tarkibiy tuzilmasi hisoblanadi. 

Ofis xodimlari tarkibi:

Registrator ofisi boshlig‘i;

Xizmat koʻrsatish (front office) boʻlimi boshlig‘i;

Maʼlumotlar bazasi (back office) boʻlimi boshlig‘i;

Menejerlar.

Registrator ofisining huquqlari va majburiyatlari:

• davlat taʼlim standartlari, oʻquv rejalari va fanlar dasturlari yangilanayotganda ushbu meʼyoriy hujjatlar loyihalarini tayyorlashda ishtirok etish;
• har oʻquv yilida kafedralar va o‘quv-uslubiy boshqarmaga ishchi oʻquv rejalari hamda fanlarning oʻquv va ishchi oʻquv dasturlarini tayyorlashda ishtirok etish;
• kafedralar va boshqa boʻlimlardan ishchi oʻquv rejalari, fanlarning ishchi dasturlari, professor-oʻqituvchilarning shaxsiy ish rejalari, darslik va oʻquv qoʻllanmalari hamda boshqa turdagi akademik materiallar toʻgʻrisidagi maʼlumotlar, oʻquv jarayoni bilan bogʻliq boʻlgan boshqa hujjatlar va maʼlumotlarni  olish.