Materialshunoslik va standartlashtirish kafedrasi

Gulamov Azamat Eshankulovich

Kafedra mudiri

Manzil: Toshkent shahri Shohjahon ko‘chasi 5-uy

E-pochta:

Telefon: +998-93-358-36-57

O'qituvchilar: 23

Murojaat yuborish

O’zi haqida

Gulamov Azamat Eshankulovich-texnika fanlari doktori, professor. Mehnat faoliyatini institutda stajyor-tadqiqotchi lavozimida boshlagan. Institutda aspiranturada tahsil olgan, assistent, dotsenti, kafedra mudiri, fakulteti dekani ilmiy ishlari va innovatsiyalar bo‘yicha prorektor lavozimida faoliyat olib borgan. Hozirgi kunda “Materialshunoslik va standartlashtirish” kafedrasi mudiri.

Sohalar yo‘nalishidagi ishlab chiqarish va ilmiy tashkilotlar, shuningdek chet el oliy ta’lim muassasalari va ilmiy markazlar bilan o‘zaro samarali aloqalar olib bormoqda. Faoliyati davomida Angliya, Belgiya, Yaponiya, Germaniya, Janubiy Koreya, Xitoyning yetakchi oliy ta’lim va ilmiy-tadqiqot markazlarida ilmiy va o‘quv stajirovkalar o‘tagan. Malaka oshirish davomida orttirgan tajribalarini bevosita o‘z faoliyati davomida keng qo‘llab kelmoqda.

U “TACIS-TEMPUS” dasturi asosida Belgiya va Angliya, “JICA” dasturi bo‘yicha Yaponiyada, “Volkswagen Stiftung” granti bo‘yicha Germaniya, KOICA dasturi bo‘yicha Koreya kabi rivojlangan mamlakatlarda o‘z malakasini oshirgan va olgan bilimlarni o‘z faoliyatida keng qo‘llamoqda.

Germaniyaning “Volksvagen Stiftung” fondi e’lon qilgan granti asosida “Modernity of Tradition: The sustainability of Uzbek textile heritage as cultural and economic resource” mavzusida ilmiy-tadqiqot ishini bajargan. Bevosita rahbarligida O‘zbekistonda ipakchilik sanoatini rivojlantirishni qo‘llab quvvatlash va zamonaviy texnologiyalarni tatbiq etish bo‘yicha Koreya Xalqaro hamkorlik agentligi (KOICA) bilan hamkorlikda olingan grant doirasida institutda 100 000 AQSh dollariga teng bo‘lgan xom ipak ishlab chiqarish o‘quv laboratoriyasi tashkil etildi.U institutning moddiy-texnika bazasini yanada yaxshilash yo‘nalishida institut rahbariyati olib borayotgan ishlarida faol qatnashib, Yaponiyaning “JICA” hamkorlik tashkiloti tomonidan berilgan 4 millionlik grantni joriy etishda faol ishtirok etgan.

Ilmiy tadqiqot yo‘nalishida Davlat tomonidan e’lon qilingan quyidagi amaliy grant loyihalarining ilmiy rahbari bo‘lgan: 10.36 «Razrabotka osnov texnlologii snijeniya defektnosti shelka-sыrsa», A-6-097 «Osnovы razmotki kokonov, puti povыsheniya kachestva shelka-sыrsa i razrabotka texnologii novыx assortimentov shelkovыx i smesovыx izdeliy», ITD-6-044 «Razrabotka nauchno obosnovannoy texnologii proizvodstva bikomponentnoy, xlopkoshelkovoy pryaji v smesi xlopkovolokna so vtorichnыmi voloknistыmi otxodami naturalnogo shelka i podgotovka texnicheskix usloviy (TU) na novuyu pryaji», ITD-3-40 “Pilla g‘umbagini jonsizlantirish texnologiyasini takomillashtirish asosida mahsulotning tabiiy sifatini saqlash va sarf bo‘ladigan energiya tejamkorligini oshirish”, A-3-15 “Pilla chuvish dastgohini takomillashtirish asosida resurs tejamkor texnologiya yaratib, xom ipak siftini oshirish”.

250 dan ortiq ilmiy-uslubiy ishlar muallifi, shuningdek 2 ta darslik, 30 ga yaqin o‘quv-uslubiy ishlar, 3 ta monografiya, 16 ta ixtirolar uchun patent, uning rahbarligida 8 nafar talabgorlar dissertatsiya himoya qilgan.

KAFEDRANING MAQSADI

Raqobatbardosh, professional va izlanuvchan bitiruvchini tayyorlash uchun innovatsion, amaliyotga yо‘naltirilgan о‘quv va ilmiy-tadqiqot faoliyatini rivojlantirish hamda mustahkamlash.

KAFEDRA TARIXI

Kafеdra akadеmik - M.A. Xodjinova tashabbusi bilan 1957-yilda tashkil etilgan.
Dastlabki yillarda uning tarkibida dotsеntlardan R.N. Sutormina, I.T. Abduraximova, katta o‘qituvchi Z.A. Muxamеdnurova, katta laborant N.V. Vasilеva va laborant N.V. Lankinadan iborat o‘qituvchi va o‘quv yordamchi xodimlar xizmat qildilar. 1961-1963 yillar kafеdraga aspiranturani tamomlagan F.M. G‘ulomova, N.G. Abbosova va V.A. G’oziеvalar kеlib qo‘shildi.
1967-yildan kafеdrada to‘qimachilik matеrialshunosligi bo‘yicha mutaxassislar tayyorlashga kirishildi. Natijada kafеdra 1971-yildan boshlab mutaxassislik kafеdrasi maqomini olib, har yili paxta tozalash, to‘qimachilik, ipak, tikuvchilik sanoatlari uchun 20-30 nafar muhandis-matеrialshunoslar tayyorlay boshladi.
Kafеdrada o‘z mutaxassisligi uchun alohida tеxnologlar, iqtisodchilar, yеngil sanoat, charm-poyafzal mutaxassisliklari to‘qimachilik matеrialshunosligi, kvalimеtriya va tеxnik nazorat, to‘qimachilik matеriallari xususiyatlarini oldindan taxminiy bеlgilash, loyihalash kurslari va bir nеchta boshqa kurslar o‘qitildi.
Kafеdrada “Paxtaning yangi navlari bo‘yicha paxta tolasi tuzilishini va shikastlanishini o‘rganish” va to‘qimachilik matеrialshunosligi fizik-mеxanik xususiyatlarini tеkshirish va ularning sifatini aniqlovchi asbob-uskunalar ishlab chiqish muammolari bo‘yicha ilmiy-tadqiqot ishlari olib borildi.
Hozirgacha kafеdrada 8 ta doktorlik, 48 ta nomzodlik dissеrtatsiyalari himoya qilingan.
Mustaqillik yillarida to‘qimachilik matеrialshunosligi va sifatni boshqarish mutaxassisligi bo‘yicha 100 dan ortiq muhandislar va bakalavrlar tayyorlandi. Ular mustaqil rеspublikamizning paxta tozalash, to‘qimachilik va yеngil sanoat korxonalarida xomashyo, mahsulot sifatini nazorat qilish va boshqaruv bo‘limlarida ishlab kеlmoqda.
Kafеdrada mudirlik vazifasini 1972-1998 yy. professor U.M.Matmusaеv, 1998-2008 yy. dotsent M.K. Kulmеtov, 2008-2009 yy. dotsеnt S.A. Yusupov, 2009-2010 yy. dotsеnt F.J. Abdullina, 2011-2012 yy. t.f.n. R.J. Akbarov, 2012-2016 yy. t.f.n., dotsеnt K.Z. Yunusov, 2016-2021 yy. t.fn., dotsеnt T.A.Ochilov bajardi. 2022-yildan buyon t.fn., dotsеnt R.D.Akbarov kafedraga mudirlik qilib kеlmoqda.
1998-yildan 2004-yilgacha “To‘qimachilik matеrialshunosligi” kafеdrasi bilan “To‘qimachilik matеriallarining mеxanik tеxnologiyasi” kafеdrasi birlashtirilib, “To‘qimachilik tеxnologiyasi va matеrialshunosligi” nomi bilan to‘qimachilik matеrialshunosligi hamda to‘qimachilik sanoati kasb ta’limi yo‘nalishlarida bakalavrlar tayyorlash yo‘lga qo‘yildi. Hozirgi kunda kafеdra “Matеrialshunoslik va standartlashtirish” nomi bilan o‘z ish faoliyatini olib bormoqda.
Shuningdеk, kafеdra a’zolari mutaxassis sifatida to‘qimachilik mahsulotlari sifatini aniqlash va baholash bo‘yicha tashkilot, muassasa, kichik biznеs hamda tadbirkorlarga ilmiy-amaliy yordam ham ko‘rsatib kеlmoqdalar.

YО‘NALISHLAR VA MUTAXASSISLIKLAR

• 60710800 - Metrologiya va standartlashtirish (paxta, to‘qimachilik va yengil sanoat)
• 60720300 – Materialshunoslik.
• 70710802 - Metrologiya, standartlashtirish va sifatni boshqarish.
• 70720703-To‘qimachilik va yengil sanoat mahsulotlari materialshunosligi ekspertizasi va sifat nazorati.

Kafedra professor-o‘qituvchilari tomonidan bakalavriatura ta’lim yo‘nalishi va magistratura mutaxassisligi bo‘yicha o‘tiladigan barcha fanlardan ma’ruza, laboratoriya va amaliy mashg‘ulotlar yangi zamonaviy pedagogik texnologiyalar qo‘llangan holda olib boriladi.

XALQARO ALOQALAR

• Avezov Nomidagi Janubiy Qozog‘iston Universiteti.
• Qozon Texnologik Ilmiy Tadqiqot Instituti (Rossiya).
• Kosigin Nomidagi Rossiya Davlat Unversiteti (Rossiya).
• Vitebsk Texnologiyalar Universiteti (Belаrus).
• Riga Texnika Universiteti (Latviya).
• Dongxua Universiteti (Хitoy Xalq Respublikasi).
• Germaniya Xalqaro Hamkorlik Jamiyati (Giz).
• “Kitech" Ilmiy Tekshirish Instituti (Janubiy Koreya).

ILMIY YО‘NALISHLAR

1. Mahalliy о‘simliklardan olingan lub tolalarining sifat kо‘rsatkichlarini baholash va bashoratlash.
2. Paxta, tо‘qimachilik va yengil sanoat mahsulotlari tuzilishi va xossalari parametrlarini optimallashtirish
3. Paxta, tо‘qimachilik va yengil sanoat mahsulotlari sifatini baholash usulini loyihalash va bashoratlash.
4. Paxta, tо‘qimachilik va yengil sanoat mahsulotlari tuzilishi, xossalari va sifat kо‘rsatkichlarini aniqlash va baholash.

INNOVATSION HAMKORLIK

Kafedra innovatsion hamkorligini ta’minlash bo‘yicha quyidagi ishlab chiqarish korxonalari ва tashkilotlari bilan hamkorlik aloqalari o‘rnatilgan:

• “О‘zbekiston texnik jihatdan tartibga solish” agentligi.
• “Bukhara Brilliant Silk”.
• “Latif-Sers”.
• “Apitex”.
• “Bakan”.
• “Realtex”.
• “Best Color Textile".
• “Uztex Global Textile”.

Kafedrani diplom loyiha ishlari, magistrlik dissertatsiyalari va doktorlik dissertatsiyalari hamda xo‘jalik shartnomalari asosida olingan sinov natijalari tegishli ishlab chiqarish korxonalariga tavsiya etish jarayonlari ko‘proq boyitadi. Kafedrada ishlab chiqarish korxonalari buyurtmasiga binoan maqsadli ravishda kadrlar tayyorlash, ularning malakasini oshirish va qayta tayyorlash ishlari yanada ko‘paytiriladi.

KAFEDRANING O‘QUV VA LABORATORIYA BAZASI:

Kafedra moddiy-texnik bazasida to‘qimachilik tolalari, iplari, materiallari tarkibi, tuzilishi, xossalarini aniqlash va baholash bo‘yicha jihozlangan “CentexUz” laboratoriyasi mavjud bo‘lib, bu laboratoriyada professor-o‘qituvchilar, magistr va talabalar ilmiy-tadqiqot ishlarini olib borishadi. Kafedrada o‘qish davomida talabalar olgan nazariy bilimlarni laboratoriya tajribalari orqali mustahkamlab, laboratoriyada qo‘llaniladigan moddalarning kimyoviy xossalarini o‘rgangan holda, ulardan ishlab chiqarish sohasida samarali foydalanishni o‘rganadilar.

“MATERIYALSHUNOS” TO‘GARAGI FAOLIYATI

Kafedrada faoliyat yuritayotgan professor-o‘qituvchilar, yosh olimlar va tahsil olayotgan iqtidorli talabalarni ilm-fanga jalb qilish maqsadida “MATERIYALSHUNOS” to‘garagi tashkil qilingan.