1-mart — o‘zbek xalqining ardoqli shoira va taniqli jamoat arbobi, Zulfiya Isroilova tavallud topgan kun.

Bugun O‘zbekiston xalq shoirasi Zulfiya Isroilova tavalludining 111 yilligi keng nishonlanmoqda. Shoiraning sermazmun va samimiy she’rlari o‘zbek adabiyoti xazinasidan munosib o‘rin egallagan bo‘lib, unda Vatanga muhabbat, sadoqat, insoniylik, ayol qalbining nozik kechinmalari va matonat tarannum etilgan.

Zulfiya nafaqat iste’dodli adiba, balki faol jamoat arbobi sifatida ham jamiyat hayotida muhim iz qoldirgan. Uning boy ijodiy merosi bugungi kunda ham yosh avlodni ezgulikka, fidoyilikka va yuksak ma’naviyatga chorlab kelmoqda.

Buyuk shoira xotirasi xalqimiz qalbida mangu yashaydi.