TTYSIda kitob ko‘rgazmasi tashkil etildi
13-iyun kuni Toshkent to‘qimachilik va yengil sanoat institutida “Dolzarb 90 kun” loyihasi doirasida talaba-yoshlarning badiiy va ijodiy salohiyatini rivojlantirish, ularni maʼnaviy-maʼrifiy muhitga keng jalb etish maqsadida kitob ko‘rgazmasi tashkil etildi.
Mazkur tadbir institut Axborot-resurs markazi hamda “Yangi asr avlodi” nashriyoti hamkorligida, “Bir haftada – bir kitob” va “Kitobxon yoz – 2025” loyihalari doirasida amalga oshirildi.
Ko‘rgazmada ijtimoiy fanlar, huquq, iqtisodiyot, texnika, to‘qimachilik va yengil sanoat yo‘nalishlariga oid adabiyotlar keng namoyish etildi.
