«IQTISODIY YO‘NALISH TALABALARIDA OG‘ZAKI NUTQ KO‘NIKMALARINI RIVOJLANTIRISHDA BIZNES TERMINOLOGIYASIDAN FOYDALANISH»
Toshkent to‘qimachilik va yengil sanoat institutida 2025-yil 28-noyabr kuni ta’lim sifatini oshirishga qaratilgan navbatdagi muhim ilmiy-amaliy tadbir bo‘lib o‘tdi. Professor Gabriel Ayodedji Ogunmola institut talabalari uchun «Iqtisodiy yo‘nalish talabalarida og‘zaki nutq ko‘nikmalarini rivojlantirishda biznes terminologiyasidan foydalanish» mavzusida seminar-mashg‘ulot o‘tkazdi.
Seminar davomida professor Gabriel Ogunmola iqtisodiy yo‘nalish talabalari uchun ingliz tilidagi biznes terminologiyasidan to‘g‘ri foydalanishning ahamiyati, zamonaviy global iqtisodiy makonda professional kommunikativ ko‘nikmalarni shakllantirishning dolzarbligi, shuningdek, xalqaro biznes standartlari bilan ishlashda til kompetensiyasining o‘rni haqida batafsil ma’lumot berdi.
Tadbir davomida talabalar bilan interaktiv mashg‘ulotlar o‘tkazilib, real biznes vaziyatlari muhokamasi, ishbilarmonlik muzokaralari hamda case-study shaklidagi topshiriqlar bajarildi. O‘tkazilgan seminar talabalarning til ko‘nikmalarini mustahkamlash, iqtisodiy atamalardan professional darajada foydalanish va global bozor talablariga mos kompetensiyalarni shakllantirishga xizmat qildi.
SHAVKAT MIRZIYOYEV: MARKAZIY OSIYO YANGI DAVR OSTONASIDA
“KONSTITUTSIYA – YOSHLAR KELAJAGI VA FAROVONLIK POYDEVORI” TADBIRLARI DAVOM ETMOQDA
OLMAOTA TEXNOLOGIYA UNIVERSITETI HAMDA TOSHKENT TO‘QIMACHILIK VA YENGIL SANOAT INSTITUTI HAMKORLIGI RIVOJLANIB BORMOQDA
