Arabov Jamol Sadriddinovich
Kafedra mudiri
O'qituvchilar: 20
KAFEDRA TARIXI
“Mehnat muhofazasi va ekologiya” kafedrasi 1934 yilda tashkil topgan bo‘lib, dastlab faqat “Mehnat muhofazasi” fani o‘qitilgan. Keyinchalik “Sanoat ekologiyasi”, “Fuqaro muhofazasi” va “Hayot faoliyati xavfsizligi” fanlari ham qo‘shilgan. Kafedra ilk yillarda “Qurilish ishi” nomi bilan paxtani dastlabki ishlash fakulteti tarkibida faoliyat yuritgan.
Turli yillarda kafedraga A.P. Petrov, D.L. Kelbert, S.T. Hamidov, O.Q. Qudratov, T.A. G‘aniyev, R.S. Roziqov, M.A. Axmatov, O.N. Alimov, O.M. Yo‘ldosheva, O.O. Rajabov va A.P. Mavlyanovlar rahbarlik qilgan.
Hozirda kafedrani t.f.d., dotsent J.S. Arabov boshqarib kelmoqda. Kafedrada 2 nafar fan doktori-professor, 5 nafar fan nomzodi-dotsent, 6 nafar katta o‘qituvchi va 5 nafar assistent faoliyat yuritadi.
KAFEDRA FAOLIYATI VA YUTUQLARI
Kafedraning malakali professor-o‘qituvchilari nafaqat talabalar bilan ishlaydi, balki Qozog‘iston, Qirg‘iziston, Turkiya, Belarusiya, Latviya kabi davlatlardagi oliy ta’lim muassasalari bilan ham ilmiy hamkorlik olib boradi.
Kafedrada “Ekolog” to‘garagi faoliyat yuritib, unda 26 nafar talaba muntazam qatnashadi.
Ilmiy-tadqiqot laboratoriyasi zamonaviy asbob-uskunalar bilan jihozlangan bo‘lib, atmosfera havosi, oqava suvlar, radiatsion nurlar va boshqa ekologik omillarni tahlil qilish imkonini beradi.
Bu sharoitlar talabalarning amaliy bilimlarini mustahkamlash va ishlab chiqarishga tayyor malakali kadrlar tayyorlashga xizmat qiladi.
Bakalavriat ta’lim yo‘nalishlari
-
60520200 – Ekologiya va atrof-muhit muhofazasi (sanoatda)
-
61020200 – Mehnat muhofazasi va texnika xavfsizligi (paxta, to‘qimachilik va yengil sanoati)
-
61020100 – Hayot faoliyati xavfsizligi
-
60711800 – Atrof-muhit muhandisligi (sanoatda)
Magistratura mutaxassisligi
-
71020201 – Mehnat muhofazasi va texnika xavfsizligi (paxta, to‘qimachilik va yengil sanoati)