KAFEDRA HAQIDA

“Tikuv buyumlari texnologiyasi” kafedrasi 1952-yilda tashkil topgan bo‘lib, hozirgi kunda “Tikuv buyumlari texnologiyasi va raqamli injiniring” kafedrasi deb nomlanadi. Kafedrada 25 shtat mavjud bo‘lib, 23 nafar professor-oʼqituvchi faoliyat olib boradi. Kafedraning ilmiy salohiyati 73 % ni tashkil etadi. Kafedrada 3 nafar fan doktorlari-professorlar, 14 nafar fan nomzodi (PhD) va dotsent, 4 nafar katta o‘qituvchi, 2 nafar assistent tahsil olayotgan talabalarga samarali talim-tarbiya bermoqdalar.
Bugungi kunda Respublikamizda 2500 ga yaqin tikuv va tikuv-trikotaj mahsulotlari ishlab chiqaruvchi korxonalar mavjud boʼlib, ularda tayyor mahsulotlarni ishlab chiqarish, ichki va tashqi bozorlarda talab yuqori bo‘lgan mahsulotlar hajmi va turlarini kengaytirish bo‘yicha salmoqli ishlar amalga oshirilmoqda.
Kafedrada yillar davomida quyidagi ilmiy-tadqiqot ishlari hamda xo‘jalik shartnomalari bajarilib kelinmoqda: kiyim ishlab chiqarishda yangi resurstejamkor texnologiyani yaratish; ikki ipli zanjirsimon bahya hosil qilishning yangi usulini ishlab chiqish; WEB texnologiyalar (IT - texnologiya) vositasida yengil sanoat ishlab chiqarish jarayonlarini bashoratlash, monitoring va boshqaruvini amalga oshiruvchi integrallashgan axborot tizimlarini yaratish; tikuv buyumlarida choklar mustahkamligini taʼminlash usullarini ishlab chiqish texnologiyalarini takomillashtirish; turli soha ishchilari uchun ekspluatatsion ishonchliligi oshirilgan maxsus kiyim tayyorlash texnologiyasini ishlab chiqish; harakati cheklangan insonlar uchun maxsus kiyim loyihalash uslubini ishlab chiqish; ortopedik nuqsonli bolalar uchun maxsus kiyim tayyorlash texnologiyasini ishlab chiqish; Oʼzbekistondagi maktab yoshidagi bolalar o‘sish ko‘rsatkichlarini antropometrik baholash asosida kiyimning ergonomik mosligini oshirish.
Bugungi kunda kafedra qoshida 2 ta tikuv laboratoriyasi, 1 ta konstruktorlik byurosi, 1 ta konstruktorlik laboratoriyasi va kiyimni loyihalashtirishning avtomatlashtirilgan tizimi bilan jihozlangan 2 ta kompyuter sinfi mavjud bo‘lib, ulardan o‘quv jarayonidan tashqari talabalar kurs loyiha ishi, diplom loyiha ishi va magistrlik dissertatsiya ishlari hamda mustaqil ishlarni bajarishda foydalanadilar.
Akademik innovatsiya fondi orqali ajratilgan mablag‘ asosida Fransiya davlatidan keltirilgan insonning antropometrik o‘lchamini kontaktsiz usul bilan o‘lchaydigan 3D BODY SCANNER SYMCADTM III uskunasi kiyimni loyihalashning avtomatlashtirilgan usulda ishlab chiqishga imkon yaratadi. O‘zbekistonda hali mavjud bo‘lmagan bu uskuna taʼlim tizimiga innovatsion yondashuvni taqozo etadi. Bu esa talabalarning sifatli taʼlim olishlariga va ishlab chiqarish korxonalari talabiga mos kadrlarni tayyorlashga xizmat qiladi.
Kafedralardagi malakali professor-o‘qituvchilar o‘zlarining bilim va tajribalarini talabalarga o‘rgatish bilan birgalikda o‘z bilimlarini boyitish maqsadida Angliya, Italiya, Fransiya, Turkiya, Xitoy, Latviya, Rossiya, Janubiy Koreya va boshqa Osiyo hamda Yevropaning nufuzli oliy ta’lim muassasalari bilan hamkorlikda ilmiy izlanishlar olib bormoqda.

BAKALAVRIYAT TA’LIM YO‘NALISHLARI

Quyidagi bakalavriyat ta’lim yo‘nalishlari bo‘yicha malakali kadrlarni tayyorlaydi:

• 60720700 – Yengil sanoat muhandisligi (tikuv buyumlarini konstruksiyalash va texnologiyasi)
• 60720700 – Yengil sanoat muhandisligi (tikuvchilik sanoatida kreativ loyihalash va innovatsion texnologiyalar)
• 60720700 – Yengil sanoat muhandisligi (shaxsiy buyurtma asosida kiyim tayyorlash)
• 60721200 – Yengil sanoat buyumlari konstruksiyasini ishlash va texnologiyasi (tikuv buyumlari texnologiyasi)
• 60721200 – Yengil sanoat buyumlari konstruksiyasini ishlash va texnologiyasi (shaxsiy buyurtma asosida kiyim tayyorlash)
• 60721400 – Yengil sanoat texnologiyalari va jihozlari (tikuvchilik sanoatida kreativ loyihalash va innovatsion texnologiyalar)

MAGISTRATURA MUTUXASSISLIGI

• 70721204 – Tikuv buyumlari texnologiyasi va konstruksiyasini ishlash

• 70720704 – Tikuv buyumlari texnologiyasi va konstruksiyasini ishlash